Ad Banner
Ad Banner
Ad Banner

Franca shumë bindëse ndaj Polonisë, kalon në finale të Kampionatit Evropian

19:42 | 16 Shtator 2022
E.H

Franca është kualifikuar për në finalen e Kampionatit Evropian në basketboll, pasi mposhtën Poloninë në gjysmëfinale me rezultat 95:54.

Të dyja përzgjedhjet luajtën dobët në sulm në fillim të ndeshjes, kështu që në çerekun e parë u shënuan vetëm 24 pikë.

Francezët patën avantazhin më të madh prej shtatë pikësh (13:6).

Edhe para pushimit francezët luajtën një mbrojtje fantastike, kështu që avantazhi vetëm sa u rrit dhe në pjesën e parë dhe arriti në 16 pikë (34:18).

Polakët nuk patën zgjidhje as për sulmet franceze në pjesën e dytë dhe tashmë në çerekun e tretë dihej emri i finalistit.

Madje në një moment francezët ishin 29 pikë diferencë, të cilët luajtën me seriozitet deri në fund të ndeshjes, ndaj polakët pësuan një disfatë të rëndë në fund.

Më i miri për Francën ishte Guerschon Yabusele me 22 pikë, ndërsa Evan Fournier dhe Elie Okobo shënuan secili nga 10 pikë. Michal Michalak dhe AJ Slaughter shënuan nga 9 pikë për Poloninë.

Në finalen e Eurobasket 2022, Franca do të luajë kundër fituesit të duelit mes nikoqirëve Gjermaninë dhe Spanjën.

Kjo ndeshje luhet sonte në orën 20:30. /Telegrafi/

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm